ابتدا نیت کنید
سپس برای شادی روح حضرت حافظ یک صلوات بفرستید
.::.حالا کلید فال را فشار دهید.::.
سهندیم
شاه داغیم چال پاپاغیم ائل دایاغیم شانلی سهندیم
باشی طوفانلی سهندیم
باشدا حیدر بابا تک قارلا- قیروولا قار یشیب سان
سون ایپک تئللی بولود لار لا افقده ساریشیب سان
ساواشار کن باریشیب سان .
گویدن الهام آلالی سر ری سماواته دیه رسن
هله آغ کورکی بورون یازدا یاشیل دون دا گیه رسن
قورادان حالوا ییه رسن .
دوشلرونده صونالار سینه سی تک شوخ ممه لرده
نه شیرین چشمه لرین وار
او یاشیل تللری یل هورمه ده آینالی سحرده
عشوه لی اشمه لرین وار .
قوی یاغیش یاغسادا یاغسین
سل اولوب آخسادا آخسین
یانلاروندا دره لر وار.
قوی قلمقاشلارین اوچسون فره لرله هامی باخسین
دوشلرین ده هره لر وار
او اتک لرده نه قیزلار یاناغی لاله لرین وار
قوزولار اوتلایاراق نی ده نه خوش ناله لرین وار
آی کیمی هاله لرین وار .
